[ English ] [ 中文 ]
0891-6325020
དབུ་ཤོག>ཚན་སློབ་འཕྲོད་བསྟེན།>སློབ་གསོའི་གསར་འགྱུར།
  • བོད་ལྗོངས་ལག་རྩལ་སློབ་གླིང་དང་ཧྲན་ཏུང་ལན་ཞང་ལག་རྩལ་སློབ་གླིང་གི་མཉམ་ལས་གསོ་སྦྱོང་འཛིན་གྲྭ་སློབ་འགོ་ཚུགས་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-11-08

    ཚེས་5ཉིན་གྱི་སྔ་དྲོ། བོད་ལྗོངས་ལག་རྩལ་སློབ་གླིང་གི་དུས་ཐེངས་དང་པོའི་སློབ་མ་ཧྲན་ཏུང་ལན་ཞང་ལག་རྩལ་སློབ་གླིང་དུ་སྐྱོད་པའི་རྩལ་ནུས་གསོ་སྦྱོང་གི་འགོ་ཚུགས་མཛད་སྒོ་བོད་ལྗོངས་ལག་རྩལ་སློབ་གླིང་གི་སྐབས་འཕྲལ་སློབ་ཁུལ་དུ་གཉེར་བ་རེད། རང་ལྗོངས་ཀྱི་གྲོང་ཁྱེར་དང་ས་ཁུལ་ཁག་བདུན་གྱི་ཞིང་འབྲོག་ན་གཞོན་སློབ་མ་80ཧྲན་ཏུང་ལན་ཞང་ལག་རྩལ་སློབ་གླིང་དུ་བསྐྱོད་ནས་དུས་ཡུན་ཉིན་60ཡི་ལས་གྲྭའི་འཕྲུལ་ཆས་གཏོང་སྟངས་གསོ་སྦྱོང་དང་གཡོས་སྦྱོར་གསོ་སྦྱོང་ལ་ཞུགས་པ་རེད།

    ཤེས་རྟོགས་བྱུང་བར་གཞིགས་ན། ཟླ་10ཚེས་14ཉིན་བོད་ལྗོངས་ལག་རྩལ་སློབ་གླིང་གི་གྲབས་གསོག་ཨུ་ལྷན་གྱི་འགན་འཁུར་བློ་མཐུན་ཧྲན་ཏུང་ལན་ཞང་ལག་རྩལ་སློབ་གླིང་དུ་བསྐྱོད་ནས་ད་ཐེངས་ཀྱི་གསོ་སྦྱོང་ལས་དོན་ལ་འབྲེལ་མཐུད་གྲོས་བསྡུར་བྱས་པ་དང་འབྲེལ། 《འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་མཐུན》དང《མཉམ་འབྲེལ་སློབ་གཉེར་གྱི་གྲོས་མཐུན》ལ་མིང་རྟགས་བཀོད་པ་རེད། སློབ་གྲྭའི་དབར་མཉམ་ལས་གཏིང་ཟབ་བྱེད་པ་དང་། ཧྲན་ཏུང་ལན་ཞང་ལག་རྩལ་སློབ་གླིང་གི་ཕུན་སུམ་ཚོགས་པའི་སློབ་ཁྲིད་ཉམས་མྱོང་། དགེ་རྒན་གྱི་སྟོབས་ཤུགས་ལེགས་པོ་དང་སྔོན་ཐོན་གྱི་དངོས་སྦྱོང་སྒྲིག་ཆས་བཅས་བརྒྱུད། བོད་ཀྱི་ཐོན་ལས་ཕྱོགས་སྒྱུར་རིམ་སྤོར་དང་འཚམ་པའི་བྱང་ཚད་མཐོ་བའི་རྩལ་ནུས་ཤེས་ལྡན་མི་སྣ་མགྱོགས་མྱུར་གསོ་སྐྱོང་བྱ་རྒྱུ་ཡིན་པ་རེད།

    --    --

    འགན་འཁུར་རྩོམ་སྒྲིག་པ། ཉི་ཆོས།