[ English ] [ 中文 ]
0891-6325020
དབུ་ཤོག>ཚན་སློབ་འཕྲོད་བསྟེན།>འཕྲོད་བསྟེན་གསར་འགྱུར།
  • བོད་དུ་ཐུམ་འབུའི་ནད་གྲལ་བཤེར་དང་སྨན་བཅོས་ལ་སྨན་རིན་སྤྲོད་མི་དགོས་པ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2018-01-12

    གསར་འགོད་པར་ཚེས་24ཉིན་བོད་རང་སྐྱོང་ལྗོངས་འཕྲོད་བསྟེན་དང་འཆར་བཙའ་ཨུ་ལྷན་ནས་ཤེས་རྟོགས་བྱུང་བར། འདི་ལོ་བོད་ཀྱིས་ཐུམ་འབུའི་ནད་གཤགས་བཅོས་ཁག་1300ལྷག་ཙམ་བྱས་པ་དང་ནད་པ་གྲལ་བཤེར་དང་སྨན་བཅོས་ཀྱི་འགྲོ་གྲོན་ཚང་མ་ནོར་སྲིད་ནས་བཏང་བས་ནད་པ“ནད་ཀྱིས་རྐྱེན་པས་དབུལ་པོར་འགྱུར་རྒྱུ”སྔོན་འགོག་ཐུབ་པ་རེད།

    ནག་ཆུ་ས་ཁུལ་སྦྲ་ཆེན་རྫོང་གི་ཚུལ་ཁྲིམས་བཟང་མོར་ཐུམ་འབུའི་ནད་ཡོད་པ་བརྟག་དཔྱད་ཐུབ་མ་ཐག་བོད་རང་སྐྱོང་ལྗོངས་མི་དམངས་སྨན་ཁང་གཉིས་པར་སྨན་བཅོས་་བཀོད་སྒྲིག་བྱས། དུས་ཡུན་ཆུ་ཚོད་9ལྷག་ཙམ་གྱི་གཤགས་བཅོས་བདེ་བླག་བྱུང་བ་དང་། དྲག་སྐྱེད་ཡག་པོ་བྱུང་བའི་ཚུལ་ཁྲིམས་བཟང་མོས“སྨན་ཁང་དུ་བསྡད་དེ་གཤགས་བཅོས་བྱས་པ་ནས་སྨན་ཁང་ནས་དོན་པའི་བར་ངས་སྨན་རིན་སྐར་མ་གཅིག་ཀྱང་སྤྲོད་དགོས་མ་བྱུང་བས་སེམས་ཁྲལ་གང་ཡང་མི་འདུག”ཅེས་བཤད།

    བོད་རང་སྐྱོང་ལྗོངས་མི་དམངས་སྨན་ཁང་གཉིས་པའི་ཕྱི་བཅོས་དཀྱུས་མའི་ཚན་ཁག་གི་ཀྲུའུ་རེན་ཅང་ཙུང་ཧྭ་ཡིས་བོད་ཀྱིས་ཆེད་མངགས་ཐུམ་འབུའི་ནད་གཤགས་བཅོས་ཀྱི་ཉལ་ཁྲི་150བཀོད་སྒྲིག་བྱས་པ་དང་འདི་ལོ་འཆར་གཞི་བྱས་ན་གཤགས་བཅོས་1600ལྷག་ཙམ་བྱ་རྒྱུ་རེད། ཐུམ་འབུའི་ནད་བརྟག་དཔྱད་ཐུབ་པའི་མང་ཚོགས་ཀྱིས་གོང་རིམ་སྨན་ཁང་དུ“བོད་རང་སྐྱོང་ལྗོངས་ཀྱི་ཐུམ་འབུའི་ནད་ཕྱི་བཅོས་མཆན་འགོད་རེའུ་མིག”བྲིས་ཏེ་གནས་གཏན་འཁེལ་གྱི་སྨན་ཁང་དུ་རིན་མི་དགོས་པར་སྨན་བཅོས་བྱེད་ཆོག་པ་དང་སྨན་བཅོས་འགྲོ་གྲོན་འབྲེལ་ཡོད་སྡེ་ཚན་ནས་གཅིག་གྱུར་ཐོག་རྩིས་རྒྱག་གི་ཡོད་ཅེས་ངོ་སྤྲོད་བྱས་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་སྟོབས་ལགས།