[ English ] [ 中文 ]
0891-6325020
དབུ་ཤོག>དབུ་ཤོག་ལེ་ཚན།>གལ་ཆེའི་གསར་འགྱུར།
  • ཀོང་པོ་རྒྱ་མདའ་རྫོང་འཕྲོད་བསྟེན་ཞབས་ཞུ་ལྟེ་གནས་ཀྱིས་ལྗོངས་ཡོངས་ཀྱི་རྫོང་རིམ་པའི་རྨ་ཁ་ཆུང་བའི་གཤགས་བཅོས་ལྟེ་གནས་དང་པོ་བཙུཌ་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2019-09-01

    ཉེ་བའི་ལོ་ཤས་རིང་། ཕོ་བ་དང་རྒྱུ་མའི་ནད་གཞི་ཐོན་ཚད་མངོན་གསལ་དོད་པོས་མང་དུ་སོང་བ་དང་བསྟུན་ནས། མི་ཚོས་འཇུ་བྱེད་མ་ལག་གི་ནད་གཞི་སྔོན་འགོག་དང་བདེ་སྲུང་ལ་མཐོང་ཆེན་བྱེད་པ་དང་། ལྷག་པར་དུ་འཇུ་ལམ་གྱི་ནད་གཞི་སྔ་ཙམ་བརྟག་དཔྱད་དང་སྨན་བཅོས་ལ་དེ་བས་མཐོང་ཆེན་བྱེད་ཀྱི་ཡོད། ཤེས་རྟོགས་བྱུང་བར་གཞིགས་ན། ཕོ་བ་དང་རྒྱུ་མའི་མཐོང་ཤེལ་བརྟག་དཔྱད་ཀྱིས་ལུས་ལ་ན་ཟུག་གཏོང་བས་ནད་པ་མང་པོས་བརྟག་དཔྱད་བྱེད་འདོད་ཀྱི་མེད། འོན་ཀྱང་སྨན་བཅོས་ལག་རྩལ་འཕེལ་རྒྱས་སོང་བ་དང་བསྟུན་ནས་ན་ཟུག་མེད་པའི་ཕོ་ཤེལ་ལ་ནད་པའི་དགའ་བསུ་ཐོབ་ཡོད། ཀོང་པོ་རྒྱ་མདའ་རྫོང་འཕྲོད་བསྟེན་ཞབས་ཞུ་ལྟེ་གནས་ཁོག་ནད་ཚན་ཁག་གིས་2018ལོའི་ཟླ་བདུན་པ་ནས་ན་ཟུག་མེད་པའི་ཕོ་ཤེལ་རྒྱག་ཐུབ་ཀྱི་ཡོད།

    མིག་སྔའི་བར། ཀོང་པོ་རྒྱ་མདའ་རྫོང་འཕྲོད་བསྟེན་ཞབས་ཞུ་ལྟེ་གནས་ཀྱི་ཁོག་ནད་ཚན་ཁག་གིས་ན་ཟུག་མེད་པའི་ཕོ་ཤེལ་མི་ཐེངས་137དང་ན་ཟུག་མེད་པའི་རྒྱུ་ཤེལ་68བརྒྱབ་པ་དང་། གཞང་འབྲུམ་CAESགཤགས་བཅོས་མི་ཐེངས་21དང་། རྒྱུ་མའི་ཤ་འབུར་གཤགས་བཅོས་མི་ཐེངས་9 མིད་ལམ་ནས་དངོས་པོ་ཡ་མཚན་ཅན་བཏོན་པའི་གཤགས་བཅོས་མི་ཐེངས་1 ཕོ་བའི་གྲུབ་ཆ་བཏོན་ཏེ་བརྟག་དཔྱད་མི་ཐེངས་10བཅས་བྱས་པས་ཚང་མར་བློ་ཡིད་ཚིམ་པའི་གྲུབ་འབྲས་ཐོན་ཡོད།

    ཤེས་རྟོགས་བྱུང་བར་གཞིགས་ན། ཀོང་པོ་རྒྱ་མདའ་རྫོང་འཕྲོད་བསྟེན་ཞབས་ཞུ་ལྟེ་གནས་ཀྱིས་ཉིང་ཁྲི་གྲོང་ཁྱེར་གྱི་རྫོང་དྲུག་དང་ཆུས་གཅིག་ཏུ་ཕོ་ཤེལ་བརྒྱུད་དེ་དམིགས་བསལ་སྨན་བཅོས་ཀྱི་རྨ་ཁ་ཆུང་བའི་གཤགས་བཅོས་ཐོག་མར་བྱས་ནས་ལྗོངས་ཡོངས་སུ་རྫོང་རིམ་པའི་རྨ་ཁ་ཆུང་བའི་གཤགས་བཅོས་ལྟེ་གནས་ཐོག་མར་བཙུགས་པ་རེད།

    --    --

    འགན་འཁུར་རྩོམ་སྒྲིག་པ། བསོད་ནམས་དབང་འདུས།