[ English ] [ 中文 ]
0891-6325020
དབུ་ཤོག>རྩོམ་རིག་སྒྱུ་རྩལ།>མངོན་མིན་རིག་གནས་ཤུལ་བཞག
  • ལྷ་མོའི་སྒྱུ་རྩལ་ཤེས་ལྡན་པ་གསོ་སྐྱོང་འཛིན་གྲྭའི་དུས་རིམ་དང་པོའི་ཚན་ཁག་གི་མཉམ་འཁྲབ་འགོ་བརྩམས་པ།

  • ཡོང་ཁུངས།   མི་དམངས་དྲ་བའི་འཕྲིན།    |    རྩོམ་པ་པོ།      |    སྤེལ་དུས།   2017-05-16


    མི་དམངས་དྲ་བའི་འཕྲིན།  ཟླ་5ཚེས་12ཉིན་གྱི་ཕྱི་དྲོ། རྒྱལ་ཁབ་སྒྱུ་རྩལ་ཐེབས་རྩ་ཚོགས་པའི་2016ལོའི་སྒྱུ་རྩལ་ཤེས་ལྡན་པ་གསོ་སྐྱོང་དང་རོགས་སྐྱོར་ལས་འགུལ་སྟེ། ལྷ་མོའི་སྒྱུ་རྩལ་གསོ་སྐྱོང་འཛིན་གྲྭའི་དུས་རིམ་དང་པོའི་ཚན་ཁག་གིས་ལྷ་སར་འཁྲབ་འགོ་བརྩམས། མཚོ་སྔོན་ཞིང་ཆེན་དང་ཀན་སུའུ་ཞིང་ཆེན། བོད་ལྗོངས་ཀྱི་ས་ཆ་ཁག་ནས་ཡོང་བའི་ལྷ་མོའི་ལས་སྒོའི་རྐང་འཛིན་པ་དང་དོ་དམ་ཤེས་ལྡན་པ་45ཙམ་འཁྲབ་སྟོན་ལ་ཞུགས། ལྷ་མོ་ནི་ཀྲུང་གོའི་ཟློས་གར་དག་ལས་ཐུན་མིན་གྱི་ཁྱད་ཆོས་ལྡན་པའི་ཟློས་གར་རིགས་ཤིག་ཡིན་ལ། སྒྱུ་རྩལ་གྱི་མཚོན་སྟངས་དང་འཁྲབ་ལུགས་མང་པོ་ཡོད་ཅིང་། ཀྲུང་གོའི་རྒྱལ་ཁབ་རིམ་པའི་མངོན་མིན་ཤུལ་བཞག་རིག་གནས་ཡིན། 2009ལོར་མཉམ་འབྲེལ་རྒྱལ་ཚོགས་ཁོངས་སློབ་གསོ་ཚན་རིག་རིག་གནས་རྩ་འཛུགས་ཀྱི་མིའི་རིགས་ཀྱི་མངོན་མིན་ཤུལ་བཞག་རིག་གནས་མཚོན་བྱེད་ཀྱི་མིང་གཞུང་དུ་ཚུད། ཆ་རྒྱུས་བླངས་པ་ལྟར་ན། ད་རེས་ཀྱི་གསོ་སྐྱོང་འདི་ནི་དམངས་ཁྲོད་ཀྱི་ལྷ་མོ་སྲུང་སྐྱོང་དང་དར་སྤེལ་གཏོང་བ་རྨང་གཞིར་བྱས་ནས། ལྷ་མོ་ཆེད་མཁས་པ་དང་ལྷ་མོའི་ཆེད་ལས་དགེ་རྒན། དམངས་ཁྲོད་ཀྱི་ལྷ་མོའི་རྒྱུན་འཛིན་པ་ཕུལ་བྱུང་དག་ལྷན་ཞུགས་གནང་ནས། ལྷ་མོའི་ལོ་རྒྱུས་དང་། རྩ་བའི་སྟངས་སྟབས་ཀྱི་གནད་ཀ། འཁྲབ་གཞུང་ཁག་གི་འཁྲབ་སྟོན་ནུས་རྩལ། གདངས་དབྱངས་དང་རྔ་སྦུག་སོགས་པའི་རོལ་ཆ་རྡུང་དཀྲོལ་གྱི་རྩ་གནད་སོགས་པའི་སློབ་ཚན་ཡང་བཀོད་སྒྲིག་གནང་ཡོད་པ་རེད།

    --    --

    འགན་འཁུར་རྩོམ་སྒྲིག་པ། ཉི་ཆོས།