[ English ] [ 中文 ]
0891-6325020
དབུ་ཤོག>རྩོམ་རིག་སྒྱུ་རྩལ།>དམངས་གཞས་འོས་སྦྱོར།
  • མཛའ་གླུ།

  • ཡོང་ཁུངས།   གངས་ལྗོངས་ཉི་གཞོན།    |    རྩོམ་པ་པོ།      |    སྤེལ་དུས།   2016-10-20

    ཉི་འོད་འཇམ་འཇམ་གྱི་ཁྲོད་དུ།

    དཔྱིད་འགོའི་མེ་ཏོག་ནི་བཞད་བྱུང་། །

    གཞོན་པའི་སྨིན་མཚམས་ཀྱི་བར་ན། །

    གསང་བ་ག་ཚོད་ཅིག་སྦས་སམ།།

    མཛའ་ཞེན་སེམས་མཐུན་གྱི་རི་མོ། །

    ཨ་འགྲིག་ཆ་འགྲིག་ཅིག་བྲིས་ཡོད། །

    འགྱུར་མེད་དམ་ཚིག་གི་གཏམ་ལན། །

    ཀ་མིན་ཁ་མིན་ཞིག་མ་གསུངས།།

    ཆུ་ཕྲན་ཤག་ཤག་གི་རྒྱུན་དུ། །

    ཉ་མོ་འཁྱུག་འཁྱུག་གིས་རྩེན་བྱུང་། །

    རྨི་ལམ་སྐྱིད་སྐྱིད་ཀྱི་ཁྲོད་དུ།།

    ཆུང་འདྲིས་ལྷུག་ལྷུག་གིས་འཛུམ་བྱུང་། །

    ཕར་ལ་ཚིག་གསུམ་ནི་སྦྲན་པས། །

    མགོ་ལྕོག་ལྡེམ་ལྡེམ་ནི་བྱས་སོང་། །

    འགྱུར་མེད་ཚེ་གཅིག་གི་གྲོགས་སུ། །

    དམ་བཅའ་དགུ་མདུད་དུ་སྦྲེལ་ཡོད། །

    གཞོན་པའི་སེམས་གཤིས་ཀྱི་འགྱུར་བག །

    སྟོན་མཇུག་གནམ་ངོ་དང་འདྲ་ཡི། །

    ཡིད་སེམས་སྤང་ཐང་གི་ངོས་སུ། །

    དགའ་སྐྱོའི་ཁ་ཆར་གཉིས་ཕབ་སོང་། །

    ཕར་ལ་གོམ་གསུམ་ནི་སྤོས་སོང་། །

    ཕྱིར་མིག་ལན་གསུམ་དུ་གཟིགས་བྱུང་། །

    སྤྱན་མིག་སྦྲེལ་མཚམས་ཀྱི་བར་ནས། །

    སེམས་པ་སྨུག་སྤྲིན་གྱིས་དཀྲིས་བྱུང་། ། 

    --    --

    འགན་འཁུར་རྩོམ་སྒྲིག་པ། ཉི་ཆོས།