[ English ] [ 中文 ]
0891-6325020
དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ནེ་པ་ལའི་ཙུང་ཐུང་གཞོན་པས་ཀྲུང་གོའི་ཁེ་ལས་མཁས་ཅན་དེ་བས་མང་བ་མ་འཇོག་ལས་དར་བྱེད་པར་ཡོང་རྒྱུར་དགའ་བསུ་ཞུ་རྒྱུ་ཡིན་ཞེས་བཤད་པ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2019-09-11

    2019ལོའི་ནེ་པ་ལ་དང་ཀྲུང་གོའི་དཔལ་འབྱོར་ཚོང་དོན་གྱི་མཉམ་ལས་གླེང་སྟེགས་ཚེས་7ཉིན་ནེ་པ་ལའི་རྒྱལ་ས་ཀ་ཏ་མན་རྡུར་འཚོགས་ཤིང་། གླེང་སྟེགས་ལ་ཞུགས་པའི་ནེ་པ་ལའི་ཙུང་ཐུང་གཞོན་པ་ཕུའུ་ཨེན་གྱིས་ཀྲུང་གོའི་ཁེ་ལས་མཁས་ཅན་དེ་བས་མང་བ་ནེ་པ་ལར་མ་འཇོག་ལས་དར་བྱེད་པར་ཡོང་རྒྱུར་དགའ་བསུ་ཞུ་རྒྱུ་ཡིན་ཞེས་བརྗོད་པ་རེད།

    ཕུའུ་ཨེན་གྱིས་ཤིས་ཚིག་སྒྲོན་སྐབས་ཀྲུང་གོས“རྒྱུད་གཅིག་ལམ་གཅིག”གི་གྲོས་འགོ་བཏོན་ཚུན། ནེ་ཀྲུང་རྒྱལ་ཁབ་གཉིས་པོའི་རྨང་གཞིའི་སྒྲིག་བཀོད་དང་། མཉམ་སྦྲེལ་མཉམ་མཐུད། ཚོང་དོན་སོགས་ཕྱོགས་མང་པོའི་ཐད་ཀྱི་མཉམ་ལས་ལ་ཡར་རྒྱས་མྱུར་པོ་བྱུང་ནས་མི་རྣམས་དགའ་འོས་པ་ཞིག་བྱུང་ཡོད་ཅེས་བརྗོད་པ་རེད།

    ཕུའུ་ཨེན་གྱིས་ནེ་པ་ལ་ནི་གོ་སྐབས་ཀྱིས་ཁེངས་པའི་ས་ཆ་ཞིག་ཡིན་པས་ཀྲུང་གོའི་ཁེ་ལས་མཁས་ཅན་དེ་བས་མང་བ་མ་འཇོག་ལས་དར་བྱེད་པར་ཡོང་ནས་ནེ་པ་ལར་“ནེ་པ་ལ་དར་རྒྱས་དང་། བདེ་སྐྱིད་ལྡན་པའི་ནེ་པ་ལ་བའི”རྒྱལ་ཁབ་ཀྱི་འདོད་འདུན་སྔ་ཙམ་མངོན་འགྱུར་ཡོང་རྒྱུར་རོགས་རམ་བྱ་རྒྱུའི་དགའ་བསུ་ཞུ་རྒྱུ་ཡིན་ཞེས་བརྗོད་པ་རེད།

    གླེང་སྟེགས་ལ་ཞུགས་པའི་ནེ་པ་ལའི་ཞིང་ཆེན་མང་པོའི་དབུ་བཞུགས་པུའུ་ཀྲང་ཁག་སོ་སོས་གཏམ་བཤད་སྤེལ་ནས། རང་ཞིང་ཆེན་གྱི་ཐོན་ཁུངས་དང་ལེགས་ཆ་ངོ་སྤྲོད་བྱས་ཏེ་ཀྲུང་གོར་ཕྱོགས་པའི་ཚོང་འགུག་མ་འདྲེན་གྱི་འདོད་འདུན་ཆེན་པོ་མཚོན་པར་བྱས་པ་རེད།

    --    --

    འགན་འཁུར་རྩོམ་སྒྲིག་པ། སྐལ་བཟང་གྲགས་པ།