[ English ] [ 中文 ]
0891-6325020
དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་ནང་།
  • ཀྲུང་གོའི་ཐེངས་བརྒྱད་པའི་བྱང་སྣེ་ཚན་རིག་རྟོག་ཞིབ་རུ་ཁག་རྒྱལ་ཁའི་ངང་ཕྱིར་ལོག་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2017-10-12

    གསར་འགོད་པར་རྒྱལ་ཁབ་རྒྱ་མཚོ་ཅུས་ནས་ཤེས་རྟོགས་བྱུང་བར། ཀྲུང་གོའི་ཐེངས་བརྒྱད་པའི་བྱང་སྣེ་ཚན་རིག་རྟོག་ཞིབ་རུ་ཁག(གཤམ་དུ་རྟོག་ཞིབ་རུ་ཁག་ཅེས་བསྡུ་རྒྱུ)གིས་རྙོག་འཛིང་ཆེ་བའི་འཁྱགས་པ་དང་གནམ་གཤིས་འགྱུར་ལྡོག་ཆེ་བ་སོགས་ཀྱི་དཀའ་ངལ་ཁྱད་དུ་བསད་དེ་རྟོག་ཞིབ་ལས་འགན་གྲུབ་འབྲས་ཐོབ་པའི་ངང་ལེགས་གྲུབ་བྱུང་ནས་ཟླ་10ཚེས་10ཉིན་བདེ་བླག་ངང་ཧྲང་ཧའེ་རུ་ཕྱིར་ལོག་པ་རེད།

    རྟོག་ཞིབ་རུ་ཁག་དེ་རུ་མི་96ལས་གྲུབ་པ་དང་2017ལོའི་ཟླ་7ཚེས་20ཉིན“གངས་འབྲུག”རྟགས་ཅན་གྱི་ཚན་རིག་རྟོག་ཞིབ་གྲུ་གཟིངས་བསྡད་དེ་ཧྲང་ཧའེ་ནས་རྡོག་ཐོན་བྱས་ཏེ་དུས་ཡུན་ཉིན་83རིང་སྤྱིའི་ལམ་ཐག་མཚོ་ལེ་ཁྲི་2ལྷག་ཙམ་བསྐྱོད་པ་དེའི་ནང་འཁྱགས་རོམ་ཁུལ་དུ་མཚོ་ལེ་1995བསྐྱོད་པ་རེད། རྟོག་ཞིབ་རུ་ཁག་གིས་སྔ་རྗེས་སུ་པའེ་ལིང་རྒྱ་མཚོ་དང་། ཁྲུའུ་ཁོ་ཆི་རྒྱ་མཚོ། ཁ་ན་ཏའི་མཚོ་འོག་གཤོང་ས། ཡོ་རོབ་བྱང་མའི་རྒྱ་མཚོ་སོཌ་མཚོ་ཁོངས་སུ་བྱང་སྣེའི་མཚོ་ཐོག་འགྲུལ་ལམ་ཕྱོགས་བསྡུས་བརྟག་དཔྱད་དང་། རྒྱ་མཚོའི་སྐྱེ་དངོས་སྣ་མང་རང་བཞིན། རྒྱ་མཚོའི་ཆུ་དཔྱད། རྒྱ་མཚོའི་རྫས་འགྱུར། རྒྱ་མཚོའི་ས་གཤིས། རྒྱ་མཚོའི་འགྱིག་ཤོག་ཆུང་ངུ་། རྒྱ་མཚོའི་གད་སྙིགས་སོགས་དང་སྦགས་བཙོག་དངོས་པོ་བརྟག་དཔྱད་སོགས་ཀྱི་ཕྱོགས་བསྡུས་བརྟག་དཔྱད་བྱས་པར་གཡུར་དུ་ཟ་བའི་རྟོག་ཞིབ་ཀྱི་གྲུབ་འབྲས་ཐོབ་པ་རེད།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།