[ English ] [ 中文 ]
0891-6325020
དབུ་ཤོག>གསར་འགྱུར།>བོད་ཁུལ་གསར་འགྱུར།
  • མཚོ་སྔོན་གྱི་སྤུས་རྟགས་ཚོང་ཁང་ཀྲེ་ཅང་དབྱི་ཝུའུ་རུ་གཞིས་ཆགས་པ།

  • ཡོང་ཁུངས།   མི་དམངས་ཉིན་རེའི་ཚགས་པར།    |    རྩོམ་པ་པོ།      |    སྤེལ་དུས།   2018-11-07

    མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། རྒྱལ་ཁབ་ཀྱིས་དཔལ་འབྱོར་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་བླང་བྱ་དང་མཚོ་སྔོན་ཞིང་ཆེན་གྱི“རྩེ་གྲ་གཅིག་དང་མཐོ་བ་གཉིས”འཐབ་ཇུས་ཀྱི་སྤྱིའི་བཀོད་སྒྲིག་དང་། “རྒྱུད་གཅིག་ལམ་གཅིག”འཛུགས་སྐྲུན་ལ་ཞབས་འདེགས་ཞུ་བ་དང་། སྤུས་རྟགས་མཚམས་སྦྱོར་ལམ་སྲོལ་ཟམ་མི་ཆད་པར་གསར་གཏོད་བྱེད་པ། ཁྱད་ལྡན་ཐོན་རྫས“ཕྱིར་གཏོང་ཐུབ་པའི”བྱེད་ཐབས་གལ་ཆེན་མཐའ་འཁྱོངས་བཅས་ཀྱི་བྱ་ཐབས་གལ་ཆེན་ལ་གཞིགས་ནས་ཉེ་ཆར་མཚོ་སྔོན་གྱི་སྤུས་རྟགས་ཚོང་ཁང“ཚོང་ཟོག་ཆུང་གྲས་ཀྱི་རྒྱལ་ཁབ”ཅེས་བརྗོད་པའི་ཀྲེ་ཅང་ཞིང་ཆེན་དབྱི་ཝུའུ་གྲོང་ཁྱེར་ཞིང་ཞོར་ཐོན་རྫས་གྲོང་དུ་དངོས་སུ་སྒོ་ཕྱེ་བ་རེད།

    ཚོང་ཁང་དུ་མཚོ་སྔོན་གྱི་ལུག་ཤ་དང་ཚགས་ཤ་དང་། དཀར་ཆུའི་ཐོན་རྫས། ནས་ཆང་། ཇ་སྲུབས་མ། སྦྲང་རྩི་སོགས་ཞིང་ཆེན་དེའི་ཁེ་ལས་99ཡིས་ཐོན་སྐྱེད་བྱས་པའི་ཚོང་ཟོག་སྣ་ཁ་300ལྷག་ཙམ་འགྲེམས་སྟོན་བྱས་པར་མཚོ་སྔོན་གྱི་ཐོན་རྫས་ཀྱི་ཐོན་ཁུངས་ལེགས་ཆ་དང་ས་མཐོའི་སྤུས་རྟགས་གང་ལེགས་མངོན་ནས་དབྱི་ཝུའུ་ཡི་འཛད་སྤྱོད་པ་མང་པོའི་ཡིད་དབང་བཀུག་ཡོད་པ་རེད།

    ཤེས་རྟོགས་བྱུང་བར་གཞིགས་ན། ཀྲེ་ཅང་ཞིང་ཆེན་དབྱི་ཝུའུ་ཞིང་ཞོར་ཐོན་རྫས་གྲོང་ནི་ལོར་ཉོ་ཚོང་བྱེད་ཚད་སྒོར་དུང་ཕྱུར་60ལྷག་ཙམ་ཟིན་པའི་ཞིང་ལས་ཐོན་རྫས་བསྡུ་འགྲེམས་ལྟེ་གནས་ཆེ་གྲས་ཤིག་ཡིན་ལ། ཀྲེ་ཅང་རྒྱལ་སྤྱིའི་ཁྲོམ་རའི་མ་ལག་གི་གྲུབ་ཆ་གལ་ཆེན་ཞིག་ཀྱང་རེད། མཚོ་སྔོན་གྱི་སྤུས་རྟགས་ཚོང་ཁང་གིས་རྒྱལ་སྤྱིའི་ཚོང་དོན་གྲོང་ཁྱེར་ཡིན་པའི་དབྱི་ཝུའུ་ཡི་མི་འགྲུལ་དང་། ཟོག་འགྲུལ། འཕྲིན་འགྲུལ། ཚོང་དོན་མཉམ་ལས་བཅས་ཀྱི་ལེགས་ཆར་བརྟེན་པ་དང་། དབྱི་ཝུའུ་ཞིང་ཞོར་ཐོན་རྫས་གྲོང་གི་ཕྱོགས་བསྡུས་རང་བཞིན་གྱི་ཉོ་ཚོང་ལས་སྟེགས་སྤྱད་དེ་མཚོ་སྔོན་གྱི་ཁྱད་ལྡན་ཐོན་ལས་ལེགས་ཆར་བརྟེན་ནས་དབྱི་ཝུའུ་རུ་མཚོ་སྔོན་གྱི་སྤུས་རྟགས་ཐོན་རྫས་གཅིག་འདུས་བྱེད་པ་དང་སྐད་གྲགས་ཆོད་པའི་མཚོ་སྔོན་གྱི་སྤུས་རྟགས་དང་ཀྲུང་གོའི་སྤུས་རྟགས་ཁག་གཅིག་བཏོད་དེ་མཚོ་སྔོན་ཞིང་ཆེན་གྱི་ཁྱད་ལྡན་ཐོན་རྫས་ས་མཐོ་ནས་ཕྱིར་སྐྱོད་ཐུབ་པ་དང་འཛམ་གླིང་ཡོངས་ལ་བསྐྱོད་རྒྱུར་སྐུལ་འདེད་གཏོང་རྒྱུ་ཡིན་པ་རེད།

    --    --

    འགན་འཁུར་རྩོམ་སྒྲིག་པ། ཉི་ཆོས།