[ English ] [ 中文 ]
0891-6325020
དབུ་ཤོག>སྲིད་དོན།>རྒྱབ་ཤ་དཀར་པོའི་དེབ།
  • རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གིས《ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས》ཞེས་པའི་རྒྱབ་ཤ་དཀར་པོའི་དེབ་བཏོན་པ།

  • ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།    |    རྩོམ་པ་པོ།      |    སྤེལ་དུས།   2015-09-24

    རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གིས་ཚེས་22ཉིན《ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས》ཞེས་པའི་རྒྱབ་ཤ་དཀར་པོའི་དེབ་བཏོན་ནས་ཀྲུང་གོས་ཕོ་མོ་འདྲ་མཉམ་དང་བུད་མེད་འཕེལ་རྒྱས་ཐད་ཐོབ་པའི་ཡར་ཐོན་གྲུབ་འབྲས་ཁྱོན་ཡོངས་ནས་ངོ་སྤྲོད་བྱས་པ་རེད།

    ཉིན་དེར་འཚོགས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གི་གསར་འགྱུར་མགྲིན་ཚབ་པ་དང་གསར་འགྱུར་ཅུས་ཀྱི་ཅུས་ཀྲང་གཞོན་པ་ཧུའུ་ཁའེ་ཧུང་གིས《ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས》ཞེས་པའི་རྒྱབ་ཤ་དཀར་པོའི་དེབ་དེ་ནི་གླེང་གཞི་དང་། གཞུང་དངོས། མཇུག་བསྡུ་གཏམ་བཅས་ཁག་གསུམ་ལས་གྲུབ་ཅིང་ཁྱོན་ཡིག་འབྲུ་ཁྲི་1.1ཙམ་ཡོད། དེའི་ནང་ཕོ་མོ་འདྲ་མཉམ་དང་བུད་མེད་འཕེལ་རྒྱས་ཀྱི་ལམ་སྲོལ་འགན་སྲུང་དང་། བུད་མེད་དང་དཔལ་འབྱོར། བུད་མེད་དང་སློབ་གསོ། བུད་མེད་དང་བདེ་ཐང་། བུད་མེད་དང་ཐབས་ཇུས་དོ་དམ། བུད་མེད་དང་ཁོར་ཡུག ཕོ་མོ་འདྲ་མཉམ་དང་བུད་མེད་འཕེལ་རྒྱས་ཀྱི་ཁྲིམས་སྐྱོང་འགན་སྲུང་། ཕོ་མོ་འདྲ་མཉམ་དང་བུད་མེད་འཕེལ་རྒྱས་ཀྱི་རྒྱལ་སྤྱིའི་སྤེལ་རེས་མཉམ་ལས་སོགས་ཀྱི་ཐད་ནས་དོན་དངོས་དང་གྲངས་གཞི་འབོར་ཆེན་སྤྱད་དེ་ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས་ལ་སྐུལ་འདེད་གཏོང་བའི་སྲིད་ཇུས་བྱེད་ཐབས་དང་དེའི་ཐད་ཐོབ་པའི་གྲུབ་འབྲས་མངོན་གསལ་དོད་པོ་ཁག་ངོ་སྤྲོད་ཞིབ་ཕྲ་བྱས་ཡོད་ཅེས་བཤད་པ་རེད།

    ཧུའུ་ཁའེ་ཧུང་གིས་འདི་ནི་ཀྲུང་གོ་སྲིད་གཞུང་གིས་བུད་མེད་འཕེལ་རྒྱས་ཐད་ནས་བཏོན་པའི་རྒྱབ་ཤ་དཀར་པོའི་དེབ་གསུམ་པ་ཡིན། རྒྱབ་ཤ་དཀར་པོའི་དེབ་དེ་རྒྱ་ཡིག་དང་། དབྱིན་ཡིག ཧྥ་རན་སེའི་ཡི་གེ ཨུ་རུ་སུའི་ཡི་གེ འཇར་མན་གྱི་ཡི་གེ སི་ཕེན་གྱི་ཡི་གེ ཨ་རབ་ཀྱི་ཡི་གེ རི་པིན་གྱི་ཡི་གེ་སོགས་ཀྱི་ཐོག་ནས་བཏོན་པ་མ་ཟད། རྒྱ་ཡིག་པར་གཞི་དང་དབྱིན་ཡིག་པར་གཞི་གཉིས་ནི་མི་དམངས་དཔེ་སྐྲུན་ཁང་དང་ཕྱི་ཡིག་དཔེ་སྐྲུན་ཁང་གིས་པར་སྐྲུན་བྱས་ནས་མི་རིང་བར་རྒྱལ་ཡོངས་ཀྱི་ཤིན་ཧྭ་དཔེ་ཁང་ཁག་ཏུ་འགྲེམས་སྤེལ་བྱེད་རྒྱུ་ཡིན་པ་རེད།

    “འདི་ལྟ་བུའི་དུས་སྐབས་གལ་ཆེན་ཞིག་ཏུ་ཀྲུང་གོ་སྲིད་གཞུང་གིས《ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས》ཞེས་པའི་རྒྱབ་ཤ་དཀར་པོའི་དེབ་བཏོན་ནས་ལོ་20རིང་གི་ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས་ཐད་ཀྱི་ཡར་རྒྱས་གྲུབ་འབྲས་ཁྱོན་ཡོངས་ནས་ངོ་སྤྲོད་དང་། འབྲེལ་ཡོད་སྲིད་ཇུས་དགོངས་གཞིར་འགྲེལ་བཤད་བརྒྱབ་པ་འདིར་རྒྱལ་སྤྱིའི་སྤྱི་ཚོགས་ཀྱིས་ཀྲུང་གོར་ཤེས་རྟོགས་དང་ངོས་འཛིན་བྱེད་ཚད་ཟབ་ཏུ་གཏོང་རྒྱུ་དང་། ཀྲུང་གོའི་ཕོ་མོ་འདྲ་མཉམ་དང་བུད་མེད་འཕེལ་རྒྱས་ལ་སྐུལ་འདེད་སྔར་བས་ཡག་པོ་གཏོང་རྒྱུ། ཀྲུང་གོ་དང་འཛམ་གླིང་དབར་སྐད་ཆ་ཤོས་རེས་དང་། སྤེལ་རེས། མཉམ་ལས་ལ་ཤུགས་སྣོན་རྒྱག་རྒྱུ་བཅས་ཐད་ཀྱི་དོན་སྙིང་གལ་ཆེན་ལྡན་ཡོད”ཅེས་ཧུའུ་ཁའེ་ཧུང་གིས་བཤད་པ་རེད།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།