[ English ] [ 中文 ]
0891-6325020
དབུ་ཤོག>བོད་ལུགས་གསོ་རིག>བོད་སྨན་བཟོ་གྲྭ
  • བོད་དུ་བོད་སྨན་སྦྱོར་རྟ་ཁང་བཙུགས་པ།

  • ཡོང་ཁུངས།   ཤིན་ཧྭ་གསར་འགྱུར་ཁང་།    |    རྩོམ་པ་པོ།      |    སྤེལ་དུས།   2015-12-23

    ཤིན་ཧྭ་གསར་འགྱུར་ཁང་ལྷ་ས་ནས་ཟླ་12ཚེས་21ཉིན་གློག་འཕྲིན་འབྱོར་གསལ། ལོ་50ལྷག་ཙམ་གྱི་ལོ་རྒྱུས་ལྡན་པའི་བོད་རང་སྐྱོང་ལྗོངས་བོད་སྨན་བཟོ་གྲྭ་སྒྱུར་བཟོ་བསྐྱར་སྒྲིག་བྱས་པ་བརྒྱུད། ཚེས་21ཉིན་དངོས་སུ་སྒོ་བྱང་བཀལ་ནས“སྨན་རྩིས་ཁང་གི་སྦྱོར་རྟ་ཁང”ཞེས་པར་མིང་བསྒྱུར་བ་དེ་ཐོག་ནས་གངས་ལྗོངས་ས་མཐོར་བོད་ལུགས་གསོ་རིག་གི་ནད་ཐོག་སྨན་བཅོས་ཐད་སྤྱོད་པའི་བོད་སྨན་ཐོན་སྐྱེད་དང་ལས་སྣོན་བྱ་རྒྱུ་དེ་དེ་བས་ཆེད་ལས་ཅན་གྱི་ཆུ་ཚད་ཐོག་སླེབས་པ་མཚོན་ཡོད།

    0.jpg

    རྒྱལ་ཁབ་བཟོ་ཚོང་སྤྱི་ཁྱབ་ཅུས་ཀྱིས་སྨན་རྩིས་ཁང་གི་སྦྱོར་རྟ་ཁང་གི་ཚོང་རྟགས་ཐོ་འགོད་རེ་ཞུ་དང་ཐུམ་སྒྲིལ་གྱི་དཔེ་རིས་ཇུས་འགོད་དང་ལེན་བྱས་རྗེས་འདི་ལོའི་ཟླ་11པར་སྨན་རྩིས་ཁང་གི་སྦྱོར་རྟ་ཁང་ལ《སྨན་བཅོས་སྒྲིག་གཞིའི་སྨན་སྦྱོར་ཆོག་འཐུས་ལག་ཁྱེར》རག་ནས་བོད་ཀྱི་སྨན་རྩིས་ཁང་གི་སྦྱོར་རྟ་ཁང་རྙིང་པའི་ལས་དོན་དེང་རབས་ནད་ཐོག་སྨན་བཅོས་ཀྱི་དགོས་མཁོ་དང་དེ་བས་འཚམ་ཐུབ་པའི་འཕེལ་རྒྱས་ཆེན་པོ་བྱུང་ཡོད།

    སྨན་རྩིས་ཁང་གི་སྦྱོར་རྟ་ཁང་བོད་རང་སྐྱོང་ལྗོངས་སྨན་རྩིས་ཁང་གི་ཁོངས་སུ་གཏོགས་པ་དང་དེ་གར་རྒྱལ་ཡོངས་ཀྱི་བོད་སྨན་ཐོན་སྐྱེད་ཀྱི་སྣེ་འདྲེན་ཁེ་ལས་བདུད་རྩི་རྟགས་ཅན་གྱི་བོད་སྨན་ཚད་ཡོད་ཀུང་སི་བཙུགས་ནས་ཀྲུང་གོའི་གྲགས་ཅན་ཚོང་རྟགས“བདུད་རྩི”རྟགས་ཅན་བཏོད་དེ་ལྗོངས་ཡོངས་ཀྱི་ཁེ་བེད་བདག་ཐོབ་ཐོག་མར་བཏོད་པ་སོགས་ཐད་ལེགས་སྐྱེས་མངོན་གསལ་དོད་པོ་ཕུལ་ཡོད།

    བོད་རང་སྐྱོང་ལྗོངས་སྨན་རྩིས་ཁང་གི་ཡོའན་ཀྲང་ཡེ་ཤེས་གཡང་འཛོམས་ཀྱིས་2011ལོར་བོད་རང་སྐྱོང་ལྗོངས་ཏང་ཨུད་དང་སྲིད་གཞུང་གིས“ཐོན་ཁུངས་བཀོད་སྒྲིག་ལེགས་སུ་གཏོང་བ་དང་གཉེར་སྐྱོང་གི་ཕན་འབྲས་མཐོ་རུ་གཏོང་རྒྱུ”དམིགས་ཡུལ་དུ་བྱས་ཏེ། བོད་རང་སྐྱོང་ལྗོངས་བོད་སྨན་བཟོ་གྲྭའི་ལམ་ལུགས་སྒྱུར་བཅོས་བྱས་པ་རེད། སྨན་རྩིས་ཁང་གིས་ན་ནིང་ལོ་དཀྱིལ་དུ་སྦྱོར་རྟ་ཁང་རྩིས་ལེན་བདག་སྤྲོད་ལས་དོན་མཐུན་སྦྱོར་འགོ་ཁྲིད་ཚོགས་ཆུང་བཙུགས་ནས་བདུད་རྩི་རྟགས་ཅན་ཀུང་སི་དང་མཐུན་སྦྱོར་སྦྲེལ་མཐུད་བྱས་པ་བརྒྱུད། ན་ནིང་ལོ་མཇུག་ཏུ་བཟོ་ཁང་སོགས་སྒྲིག་ཆས་སྒྲིག་བཀོད་ཁག་གཅིག་རྩིས་ལེན་བདག་སྤྲོད་བྱས་པ་རེད། སྨན་རྩིས་ཁང་གི་སྦྱོར་རྟ་ཁང་ལ་དཔལ་འབྱོར་གྱི་ཕན་འབྲས་ཡག་པོ་བྱུང་བ་མ་ཟད། ད་དུང་སྨན་རྩིས་ཁང་གི་ལོ་ངོ་བརྒྱ་ལྷག་ཙམ་གྱི་མིང་རྙིང་པའི་རིག་གནས་འཕེལ་རྒྱས་དང་ཐོན་སྐྱེད་རྒྱུན་འཛིན་བྱེད་པའི་ཕྱོགས་བསྡུས་ཀྱི་སྤྱི་ཚོགས་ཕན་འབྲས་ཀྱང་ཐོན་ནས་བོད་ལུགས་གསོ་རིག་དང་བོད་སྨན་གྱི་མངོན་མིན་རིག་གནས་ཤུལ་བཞག་རྒྱུན་འཛིན་རྟེན་གཞིར་དེ་བས་འགྱུར་ཡོད་ཅེས་བཤད་པ་རེད།

    --    --

    འགན་འཁུར་རྩོམ་སྒྲིག་པ། ཉི་མ་ཚེ་རིང་།