[ English ] [ 中文 ]
0891-6325020
དབུ་ཤོག>བོད་ལུགས་གསོ་རིག>བོད་སྨན།
  • བོད་སྨན་ངོ་སྤྲོད། ཆམ་ནད་ཀྱི་སྐོར།

  • ཡོང་ཁུངས།   གཞལ་ཡས་ཁང་བོད་སྨན་བདེ་སྲུང་འཕྲིན་སྟེགས།    |    རྩོམ་པ་པོ།      |    སྤེལ་དུས།   2015-10-15

    W020151007405626055738.jpg

    སྟོན་ཀ་དང་དགུན་ཁ་ནི་ཕྱིའི་ཁོར་ཡུག་དང་ནང་སྤྱོད་ལམ་གྱི་དབང་གིས་ཆམ་པའི་ནད་རིགས་སམ་དྲོས་འཁྱགས་སོགས་ལུས་སུ་འབྱུང་སླ་བའི་དུས་སྐབས་ཤིག་ཡིན་པས། ཐེངས་འདིར་རྒྱ་ཆེ་བའི་དྲ་གྲོགས་དང་མང་ཚོགས་ཀྱི་བདེ་ཐང་གི་ཆེད་དུ། རྣམ་པ་ལྷན་རྒྱས་ལ་ཆམ་པ་ཕོག་པའི་སྐབས་སུ་བསྟེན་དུ་འོས་པའི་བོད་སྨན་འགའ་ངོ་སྤྲོད་ཞུ།

    ①མ་ནུ་བཞི་ཐང་།

    ནུས་པ་མྱུར་བ། ཁྱད་པར་དུ་ཆམ་པ་ཐོག་མའི་དུས་སུ་བསྟེན་པའི་སྨན།

    ②ནོར་བུ་བདུན་ཐང་།

    ནུས་པ་མྱུར་བ།

    ③འཕྲུལ་ཐང་།

    ནུས་པ་མྱུར་བ།

    ④ཆམ་ཐང་ཉེར་ལྔ།

    ནུས་པ་མྱུར་བ་དང་ཆམ་པ་ལྕི་མོ་ལ་ཕྱི་སྨན་ལས་ནུས་པ་མཆོག་གོ །

    ⑤སྤང་ཁྲག་བཅུ་གཉིས།

    ནུས་པ་གོང་སྨན་ལས་ཅུང་དལ་བ་དང་། ཆམ་པ་ལས་བྱུང་བའི་མགོ་གཟེར་བ་དང་རྐང་ལག་ཉིང་ལག་མི་བདེ་བའི་རིགས་སོགས་ལ་ཕན་ནོ། །

    ⑥ལུག་མུར་བདུན་པ།

    ནུས་པ་ཡང་གོང་གི་ཁུ་བའི་སྨན་ལས་ཅུང་དལ་བ་དང་། ཆམ་པ་ལས་བྱུང་བའི་གློ་ལུ་བ་དང་སྐད་འགགས་པ་ལ་ཕན་ནོ། །

    ⑦ལོ་གྱོན་རིལ་བུའམ་ལོ་གྱོན་མ།

    ནུས་པ་གོང་གི་ཁུ་བའི་སྨན་ལས་ཅུང་དལ་བ་དང་། ཆམ་པ་ལས་བྱུང་བའི་མགོ་གཟེར་བ་ལ་ཕན་ནོ། །

    དེ་ནས་གོང་དུ་བསྟན་པའི་སྨན་བདུན་པོ་ནི་ཆམ་པའི་ནད་རིགས་ལ་ཤིན་ཏུ་ཕན་པའི་སྨན་ཡིན་པ་དང་། ལུས་ལ་ཞོར་སྐྱོན་ཡང་མེད། ཁྱད་པར་དུ་ལོ་གྱོན་མ་དང་ཡང་ན་སྤང་ཁྲག་བཅུ་གཉིས་ནི་རིལ་བུ་གཉིས་གསུམ་ཙམ་ཆུ་བསྐོལ་500mLནང་དུ་སྦང་བའི་ཁུ་བ་ཞོགས་པ་རེ་ལ་མཁུར་བཀང་གཅིག་འཐུང་ན་ཆམ་ནད་སྔོན་འགོག་གི་ནུས་པ་ཡོད་དོ།

    --    --

    འགན་འཁུར་རྩོམ་སྒྲིག་པ། ཚེ་རིང་ཆོས་སྒྲོན།